25.5.05

TONIO SALVAFETU

Il-Ministru Tonio Salvafetu li ghandu f’idejh il-ministeru tal-Intern, tal-Kunserva u l-Priserv, dahal ghall-glieda qaddisa biex isalva l-ftiewi innocenti minn guf ommhom. Huwa ssieheb ma’ l-fundamentalisti ProHAJJA+9 biex jaghmlu gwerra kontra t-terrur li qed jikkawzaw l-ommijiet kattivi lill-embriji u l-ftiewi f’gufhom stess.

Filwaqt li l-poplu jinsab dizilluz bil-holma Ewronazzjonalista, mifxul ifettiex il-valuri u jipprova jhoss il-muniti fil-but, Tonio Salvafetu mnebbah mill-fundamentalisti ProHAJJA+9, hareg ixandar dwar il-VALUR tal-valuri kollha...Il-VALUR tal-HAJJA, li ghandu jservi ta’ gwida ghal dan il-poplu li jinsab miexi fid-desert ta’ EDDIE WEGHDI. Dan il-valur tal-HAJJA li jissupera kull valur iehor ghandu jirravviva l-morali u l-kuxjenza dekadenti tal-poplu. It-tigieg u l-majjali fil-bicceriji habtu se jiehu vantagg minn fuq din il-mossa tal-ministru Salvafetu imma malajr nizlet fuqhom il-mannara biex ma jitniffsux. Mid-dinja kollha waslu ittri u stqarrijiet biex ifakkru lil Tonio Salvafetu, li hemm qtil iehor volonarju u involontarju li jisthoqqlu wkoll jinghata l-istess importanza fil-gwerra kontra t-terrur tal-innocenti madwar id-dinja kollha. Semmewlu l-eluf kbar li jmutu fl-incidenti tat-traffiku, fit-tfal li jmutu bil-guh, bil-mard u fil-gwerer u l-abbuzi sanzjonati mill-pajjizi civilizzati. Imma Tonio Salvafetu baqa’ jishaq li l-glieda hija kontra l-ommijiet krudili li hsiebhom biss fil-karriera jew f’ghajdut in-nies. U jekk id-dinja waslet sa dan il-livell baxx li omm tobortixxi l-hajja tal-fetu taghha, dan kollu mhux tort tal-gvernijiet responsabbli u s-socjetajiet civili li dejjem jahdmu minghajr gwadan, biex itejbu u jizviluppaw l-ghajxien tal-popli.

B’determinazzjoni kbira, l-ministru Tonio Salvafetu jrid inaqqax kmandament gdid fuq it-twavel ta’ Mose. Sorsi infurmati tajjeb qalu li Salvafetu wasallu messagg cellulari minghand Alla li qallu li l-kmandamenti diga jkopru dan ir-reat fahxi fin-numru sitta tal-istess twavel. Imma Tonio Salvafetu malajr baghtlu messagg iehor biex jghidlu li kien se jonqxu taht artiklu 6 f’subartiklu B. Ghalhekk il-kmandamenti l-godda se jkollhom 6A LA TOQTOLX u 6B LA TABORTIX.

Fatturi ohra li qed iwasslu biex Tonio Salvafetu jiddikjara din il-gwerra qaddisa huma, l-inkwiet li ghandhom l-Ewropej minhabba li qed jaraw li l-popolazzjoni fil-pajjizi tal-EU qed jonqsu u sa ghoxrin sena ohra mhux se jkun hemm bizzejjed nies biex tkun iggenerata ekonomija b’sahhitha. Hawnhekk Tonio Salvafetu b’kuragg kbir dahal ukoll biex jissupplixxi lill-Ewropa b’iktar nies ta’ demm Malti billi ma jhallix il-fetujiet jinqaltlu. B’hekk joktru sew in-nies f’Malta u eventwalment jibdew ihossuhom klastrofobici fuq din il-gzira biex imbaghad awtomatikament jibdew jemigraw lejn il-kontinent. Difatti l-ezodu ta’ ulied in-nanna Olga diga beda u miexi b’ritmu tajjeb. Tonio Salvafetu li gej mill-partit tal-istrategiji intelligenti jaf sew kif isawwar pjan biex izid il-popolazzjoni li hi mehtiega ghall-ekonomija u bis-surplus taghha jifforma armata formidabbli biex tehodha mal-bazuti infidili li bhalissa qed jinvadu l-Ewropa.
Nitlob biex kulhadd iqum ghal kant tal-innu Malti u ta’ l-Odi ta’ Ferh.

Lil din l-art..........ta ta ta ta ta ta ta ta ta ta ta ta ta....ta ta

No comments: