Mill-istrixxiklu 1988 'PATROL' tal-istordut. Dawn l-istrixxikli fil-forma ta' pitazzi u li kienu l-l-istess kopji originali, kienu disponibbli biss biex jinqraw fil-kafe imperjali ghand Bertu, il-belt Valletta. 

Ic-Cirku Bertu Funtana 1

L-istrixxiklu tal-PAQQAMANIJA se jieqaf ghal pawsa ta’ ftit gimghat peress li ma bhalissa m’ghandix iz-zmien noqormu ghal fuq il-blogg tieghi.

Ftit gimghat ilu kienet gietni x-xewqa li nibbloggja dwar xi attivita’ ta’ grupp ta’ hbieb li kienu jiltaqghu fit-80ijiet u li bhal hafna grupp ohra kienu jiffrekwentaw f'postijiet differneti skond it-temp u l-hin. Issa f’dawk iz-zminijiet xotti ma kienx facli li ssib xi Montmartre jew xi Riviera Franciza hawn Malta imma nahseb jekk wiehed jaghmel xi studju antropologiku fuq l-attivita’ artistika, kulturali u socjali ta’ dawk iz-zmenijiet, nahseb li wiehed ma tantx jitbieghed mill-ekwivalenti. Per ezempju niftakar l-attivita’ teatrali li ghalkemm minima u skarsa mix-xinxilli tal-lum, kienet tinhass fiha il-forza politika u z-zerriegha ta’ generazzjoni gdida. Min jista’ jinsa’ lil Ateatru u r-raprezentazzjonijiet taghhom li minkejja l-fjakkizza ta’ props, xenarju u kostumi, id-drammi taghhom kienu penetranti tant li jien cert li ispiraw bosta li llum ghadhom jikkuntribwixxu fil-kultura ta’ pajjizna.

Ic-cirku ta’ hbieb li se nsemmi jien huwa aktar umli f’dan ir-rigward u id-deskrizzjonijiet zghar li bi hsibni nwassal dwaru f’dan il-blogg huma aktar intizi biex juru l-kuntrasti jew is-similaritajiet ma’ dak li qed jigri illum fix-xena taz-zghazagh kif ukoll biex jiddemostraw kif crieki zghar ta’ nies li jwettqu attivita’ zghir kemm hi zghira ghandhom ukoll sehem mill-istampa l-kbira ta’ dak li jkun qed isehh fil-pajjiz.

Il-cirku ta’ hbieb li qed insemmi jien faqqas minn gruppi ohra u matul iz-zmien tieghu faqqsu ohrajn li infirdu mill-qalba tal-attivita’ biex iffurmaw ohrajn differenti. Il-qalba tal-grupp ma kinitx wahda fissa u d-dinamika taghha bidlitha u ferrxitha matul l-ghaxar snin ta’ hajja taghha.

Kienu jiltaqaghu fil-kapitali Vallletta, hafna minnhom kienu gejjin minn diversi postijiet ohra madwar Malta. Bhal ma jafu hafna, it-80ijiet kienu zmenijiet xi ftit imqallba politikament u bil-qaghd jizdied u l-atmosfera partiggjana tikkarga gmielha, grupp ta’ zghazagh dizilluzi mis-sistema socjali laqqaghhom id-destin biex jimmanifestaw ir-ribelljoni taghhom f’xi forma ta’ attivita jew ohra. Dak iz-zmien, l-opportunitajiet ma kienux varji daqs illum u ghalhekk l-iktar postijiet komuni kienu l-barijiet u l-pjazez. Il-grupp li qed insemmi kellu dawn il-postijiet principali li kienu, il-funtana tat-tritoni, ic-cint ta’ bieb il-belt u l-kafe imperjali fil-Belt Valletta (ghand Bertu tal-klieb). Il-grupp ma kienx organizzat minn xi mexxejja partikulari imma kien jibbaza l-attivita’ tieghu skond l-inizjattivi ta’ l-ispontanjeta' tal-istess individwi fi hdanu.

Minkejja li z-zghazagh fil-grupp kienu gejjin minn ambjenti different u bi preparazzjoni edukattiva differenti, l-iktar element li kien iqieghed lil kulhadd fl-istess qoffa, bla dubju kien l-imhabba ghall-muzika zaghzugha ta’ dak iz-zmien. It-tahlita kienet varja fil-grupp tant li kont issib rockers, punk rockers, rasta, ska, mods u hippies kollha flimkien ihokku spalla ma’ spalla. Il-fatt li din it-tip ta’ muzika kienet twassal kritika socjali, ir-ribelljon kontra l-istablishment u t-twelid ta’ valuri godda (anki jekk waslu tard hawn Malta) kienu l-awtem ghall-ezistenza ta’ dan il-grupp.

Minkejja li llum jien ghandi xi rizervi fuq in-natura tal-attivitajiet li zviluppaw minn dan il-grupp aktar 'il quddiem, nista’ nsemmi tnejn li jien nghozz hafna. Dawn kienu il-muzika spontanja fit-toroq u l-ohra hija l-kultura tar-rakkont graffiku. Fuq tal-ewwel nghidilkom aktar ‘il quddiem u fuq tat-tieni se nimpustalkom xi kampjuni li ghalkemm forsi ma jinftehmux minn kulhadd ghax generalment kienu jinkludu nies li kienu jiffrekwentaw ic-cirku, xorta pero, wiehed jista’ japprezzha l-espressjonijiet illustrattivi ta’ nies fi hdan il-grupp li introducew dan il-medju li sa dak iz-zmien, lokalment, kien ghadu skars.

Id-driegh setghani tal-punent. 

Ghajn ghal ghajn, sinna ghal sinna.

Quddiem din it-tragedja umana, wiehed ma jistax ma jitnikkitx. L-ispluzjonijiet f’Londra gabu maghhom biza’ u swied ta’ qalb. Ghal dawk li tilfu l-gheziez taghhom u ghall-ohrajn li ndarbu serjament, dan il-jum se jibqa’ tebgha sewda fuq hajjithom kollha. Tassew hela ta’ hajjiet. F’dawn il-mumenti ta’ dieqa wiehed normalment joqghod lura milli jikkummenta dwar x’ikkawza din l-istess tragedja. Fl-opinjoniji tieghi nahseb li jkun zball jekk ma nnsaqsux “l-ghaliex” wara li d-duhhan tal-ispluzjonijiet ikun ghab u quddiemna jitfacca d-dmija niexef tal-midruba u l-mejtin.

Hadd mhu cert imma jidher li l-attakk sar mill-istess organizzazzjoni sigrieta li attakkaw Madrid bl-istess motivi ta’ tpattija kontra l-gwerra tal-Iraq u simpatizzanti mal-Al Qajda. Jekk hu hekk, allura din hija stqarrijia politika cara. Jekk nisimghu ftit x’qalu l-mexxejja ta’ xi pajjizi b’reazjoni tal-ahbar kerha. nisimghu minghandhom kliem li jinkludi xi ftit minn dawn il-frazijiet: “attakki godardi, barbari fuq l-umanita’”, “attakki mhux fuq pajjiz wiehed imma fuq in-nazzjonijiet kollha u fuq is-socjetajiet civilizzati”, “attakki li saru minn nies li jxerdu l-mibgheda” ecc ecc.

Tabilhaqq dan jista’ jkun minnu, pero ma nistghux ma nharsux lejn il-problema fit-total taghha u allura imbaghad, kif nistghu ninsew il-gidba ta’ Blair dwar il-potenzjal ta’ Saddam biex juza l-armi tal-qerda tal-massa f’45 minuta? Kif nistghu ninsew it-tama u l-mghodrija ta’ Bush li mar ixerred fl-Iraq permezz tat-truppi kompassjonati tieghu wara li illegalment injora l-approvazzjoni tal-Gnus Maghquda? Kif nistghu ninsew li l-istess Blair u l-Bush gew eletti mill-gdid mill-istess popli taghhom wara li kkommettew dawn ir-reati li bdew gwerra illegittima u li swiet il-hajjiet ta’ hafna nies?

Min huma n-nies innocenti?....dawk li mietu bil-missili fl-invazjoni anglo-amerikana tal-Iraq wara ghexur ta’ snin taht il-madmad ta' Saddam, jew dawk li mietu f’attakki terroristici f’Londra wara li ma rnexxilhomx jehilsu minn Blair wara li dahhalhom fi gwerra?

L-ispluzjonijiet f’Londru zgur li se jkomplu jifirxu n-nirien tal-mibghedu u t-tpattija fil-punent. L-atti mdemmija tat-terroristi huma kontropruducenti. Il-mexxejja punentin b’kawtela kbira jqisu kliemhom f’dawn il-mumenti imma bejn kelma u ohra tinduna li qed irewhu fuq in-nar. Huwa fl-interess taghhom li jkomplu jzommu l-pozizzjonijiet li hadu fuq din il-gwerra ghal hafna ragunijiet li nahseb jafhom kulhadd. Il-prospetti li xi hadd miz-zewg nahat icedi bicca huma remoti hafna. Il-passi gganteski tal-globalizzazzjoni u l-htiega tas-sigurta’ tal-punent jibqghu il-prijoritajiet tal-Amerka u l-Ewropa filwaqt li t-tradizzjonijiet islamici u t-d-difiza teritorjali jibqghu il-prijoritajiet tal-lvant nofsani u tal-pajjizi tal- maghreb. Il-gwerra naturalment mhix ezattament bejn dawn iz-zewg nahat ghaliex hadd minn tat-tieni naha ma jazzarda jehodha direttament kontra tal-ewwel specjalmenti kontra l-Amerka li hija l-unika superpotenza u li ma tirbhilha qatt f’kumbattiment dirett. Ghalhekk inholoq ghadu invizibbli biex jippenetra b’mod iktar facli il-barsalli strategici u fl-istess him ikun difficli biex taqbdu.

Dan l-ghadu huwa iktar perikoluz ghax ma tistax tinnegozja mieghu fuq il-mejda. Jien m’ghandix soluzzjonijiet ghal dawn il-problemi dinjin imma fil-limitazzjonijiet tieghi iddecidejt li la bil-vot u lanqas bil-mod kif nghix m'jien se nkompli nappoggja is-supremazija tal-punent, l-infiltrazzjoni taghha f’kull pajjiz u d-driegh kbir tal-globalizzazzjoni li mhu xejn ghajr imperu ekonomiku u kulturali.
Jien personalment nara ftit tama biex dan il-konflitt jintemm. Il-punent sar jiddependi wisq minn risorsi naturali li m’ghandux bizzejjed fit-teritorji tieghu kif ukoll jehtieglu jespandi l-ekonomija tieghu biex jipprizerva l-livell ta’ ghajxien hali u kapriccuz li issa dara bih. Il-fundamentalisti islamici huma firien imrekknin u ghalhekk se jkomplu jhebbu ghal punent bla biza’ u bla hniena. Wiehed ipatiha lil iehor. Kif kien qal darba Gandhi, jekk se nkompli bil-politika ta’ ghajn ghal ghajn u sinna ghal sinna, id-dinja kollha taghma u tispicca bla snien.

KAMPANJA ghall-istorduti

Jien imrobbi li farka li hi farka ta’ karta ma narmihiex barra fit-triq. Kull fejn kienu jiehdu lili u l-huti, il-genituri tieghi kienu jgorru maghhom borza jew xi haga biex qoxra ta’ banana jew qartas ma jintremiex fl-art u la fil-kampanja, la fejn il-bahar u lanqas imkien. Hekk kbirt u hekk bqajt naghmel u kien hemm waqtiet meta idecidejt li naghmilha tal-kurnut u nigbor il-hmieg li jhalli haddiehor. L-iskart bdejt nisseparah (ghal xejn) sa mill-1992 meta Stanley Zammit dak iz-zmien seg. parl..tal-ambjent introduca s-separazzjoni tal-iskart f'Malta. Din l-imgieba civika tieghi hi parti minni u naghmillha ghax nirrispetta lil ghajri u lin-nies ta’ madwari.

Issa jien ilni nivvota lil partit nazzjonalista fl-elezzjonijiet generali sa mill-1987 meta vvutajt l-ewwel darba f’hajti. Sa qabel din is-sena l-art tal-Maltin kienet ilha li bdiet tittiekel u tittiehed mill-barunijiet ta’ Mintoff ghal skopijiet privati, u kummercjali. Il-Marsa tal-Inglizi ma baqghetx f’idejn l-Inglizi imma giet f’idejn il-Maltin imma parti sostanzjali minnha hallewha esklussivament ghal-creme de la creme. U ma' din zdiedu gzuz ohra li saru esklussivi flimkien mar-Reserved To Owner illegali li tara kullimkien fil-kampanja.. Il-partit Nazzjonalista kellu din il-frazi famuza fil-programm elettorali tazl-1987 li kienet il-lixka ghal kull ambjentalista lokali. Il-frazi kienet “ u Malta terga’ twarrad fis-sbuhija.” Riedu jghidu li kienu se jrazznu l-izvilupp tal-bini u jaghmlu minn Malta pajjiz il-gmiel tieghu.

Sal-gurnata mqaddsa tal-lum, l-art ghada tittiekel, mhux bin-naqriet imma bil-mijiet ta’ ettari, mill-hniezer tal-kummerc li qishom belliegha fuq l-art, ilefilfu kull fejn jaraw wesgha, xaghra, jew wilga. Issa jmiss ix-xaghra l-hamra ta’ Ghajn Tuffieha u qed tistenna l-kundanna tal-mewt minghand il-mepa.

Il-gvern qed jipprova jzomm isem Malta mat-turist li jigi u jsib il-hmieg ma’wiccu, billi jintensifika l-infurzar u jzid il-multi. Dan kollu sewwa imma kif imbaghad jigi jordna lill-mepa tidentifika s-siti ghal-koros tal-golf. Kif jigi u jaqta’ 112 ettaru art pubblka fi stat naturali u jaghtiha lill-erba’ hzierer biex imeximxu kemm jifilhu u jhallu biss xi grassa jew qarquca bhala taxxa?

M’hemm xejn li jista’ jdawwar lill-gvern lura minn din id-decizjoni meta titiehed. u jista’ jkun li l-pubbliku in generali huwa sajjem mill-informazzjoni dwar l-istupru ta’ art f’din il-gzira. Ghandu mnejn ikun hemm bosta li jiggustaw dik il-hdura tal-haxix bit-tuba u jemmnu l-illusjonijiet li qed jinholqu biex isehh l-izvilupp taghha bhala korsa tal-golf. Il-kwistjoni kollha tal-Verdala jista’ jkun ukoll li kienet xarad min-naha tal-mepa biex mhux dejjem tidher li qed tiffavorixxi il-hniezer spekulaturi ta’ din id-dinja. Dan it-tip ta’ zvilupp ma hawnx loku fuq din blata-simenta f’nofs il-mediterran.

Ghalhekk mil-lum jien iddecidejt li nibda kampanja ta’ dizobbidjenza civili biex nohloq pressjoni fuq il-gvern. Mil-lum se nieqaf nissepara l-iskart u se nibda narmi barra fit-triq. Dan se naghmlu biex dik is-sezzjoni ta' nies li mhix konxja bl-istupru fahxi li qed isir fuq l-ambjent tibda tirrealizza li karta u borza zibel fit-triq mhi xejn hdejn il-herba li qed issir fuq l-art naturali li fadlilna. Borza zibel fit-triq, saqqu, loki u kondojiet kollha jingabru u l-post jerga’ jigi kif kien imma x-Xaghra l-hamra, il-Bahrija u Has-Saptan kif nistghu nergghu ingibuhom lura?

Il-kampanja tieghi li jisimha IZ-ZIBEL FIT-TRIQ, CAJTA ...hija primciparjament indirizzata ghall-istorduti ta’ din id-dinja. Ricerka hafifa fuq l-eteru sibt li storduti fid-dinja kollha hawn tnejn biss. Wiehed minnhom jien u l-iehor impostur li xoghlu hu jahsel il-lokijiet fil-wanowwann. Milli jidher il-kampanja tieghi se tmut fuq ommha.

Strixxiklu satiriku PAQQAMANIJA p8 (ikklikklja fuqha biex tkabbarha) 

Strixxiklu satiriku PAQQAMANIJA p7 (ikklikkja fuqha biex tkabbarha.) L-istorja s'issa: Joe Hasan il-pijunier tal-paqqamanija waqqa' fit-tentazzjoni lil Cikku u l-poplu tieghu biex jillibera ruhi mill-mixi u mit-trasport pubbliku billi jibda juza l-paqqa. Sa mill-bidu, Cikku infatwa ruhu mal-paqqa u zzewwigha minkejja x-xikel finanzjarju. Il-harsien u l-prezervazzjoni tal-ghaziza paqqa tieghu, gablu holm ikrah u hmir il-lejl. L-ghefiered ta' gwardjani lokali wasluh f'nervozizmu kbir u kellu jirrikorri ghand qassis biex jehles mill-maghmul.

Strixxiklu satiriku PAQQAMANIJA p6 (ikklikkja fuqha biex tkabbarha) 

Strixxiklu satiriku PAQQAMANIJA p5  

Strixxiklu satiriku PAQQAMANIJA p4 (ikklikkjaha biex tkabbarha) 

Strixxiklu satiriku PAQQAMANIJA p3 {ikklikkjaha biex tkabbarha) 

Biex int tghix ahjar 2

Jien mhux xi wiehed li nbakkar ghall-gazzetta filghodu biex naqraha mal-kafe tal-fatra. Ghalhekk ghandi l-vantagg li l-ikel ma jinzillix velenu meta nara artiklu bhal dak tal-pagna ta’ wara fuq it-times tal-bierah. “35,500 karozza jghaddu mill-Belt u l-Furjana kuljum”, kien it-titlu ta’ dan l-artiklu. Bongu ghidt f’qalbi. L-artiklu kien ibazzat fuq rapport ta’ studju intern li ghamel il-gvern u li t-times inghatalha l-access biex tarah. Bhalissa l-gvern ghaddej b’xi diskussjonijiet dwar is-sitwazzjoni tat-traffiku fil-Belt u l-Furjana. X’aktarx l-artiklu kien intenzjonat biex iqajjem l-interess fost il-pubbliku Belti u Furjaniz sabiex jattendi ghal dawn il-laqghat. Ir-rapport tal-istudju kif irrapportatu t-times juri figuri u sitwazzjonijiet allarmanti izda ghal minn jahdem jew jghix f’dawn l-inhawi, dawn is-sitwazzjonijiet huma realta’ ta’ kuljum. L-ammont esagerat ta’ karozzi ccirkulati fil-belt hu ovvju ghal kulhadd. Biss biss jekk tieqaf tghodd il-karozzi li jghaddu f’minuta wahda fi triq il-merkanti filghodu jew filghaxija iggibhom xi hmistax-il wahda kull minuta jigifieri madwar 900 karozza kull siegha.

L-istatistici llum naghtuhom hafna piz imma mhux dejjem inkunu lesti li nagixxu fuq l-indikazzjonijiet li johorgu minnhom. Bhal Dottor Jekyll u s-sur Hyde il-gazzetti jippubblikaw artikli fattwali ta’ dan it-tip biex izommu mal-etika gurnalistika u jirrappurtaw kollox ( jew fil-kaz tat-times biex taqdi l-gvern). Imbaghad l-ghada kollox jerga’ jorqod u jkomplu bl-istess doza ta’ riklami favur ix-xiri tal-karozzi ghax b’hekk idawwru r-rota.. Ebda gurnal jew gazzetta ma ghandha s-sahha u l-hila biex tadottat politika editorjali ferma u dinamika sabiex titqajjem kuxjenza dwar il-genn taghna ghal gabubetti t’erba’ roti. Dan ghax mill-ghada li tiddikjara l-kampanja miftuha, tibda’ tara l-bejgh jonqos u ir-riklami tac-cappa jinxfu. Id-dinja rota u x-xitan idawwarha fuq il-fus tal-flus.

Il-gvern, inhoss jien, bhalissa qieghed bhal akrobata fuq habel stirat bejn irid ihalli x-xiri ghaddej ghax idahhal somom hoxnin ta’ flus mit-taxxi u bejn irid jiffranka l-belli liri mill-mard u l-incidenti li l-karozzi qed jikkawzaw. Sa issa jidher li l-mizien tal-gwadan ekonomiku kien qed ixaqleb lejn id-dhul goff mit-taxxi u l-multi li jiggeneraw il-karozzi. Pero wara snin twal ta’ dikjarazzjonijiet minn Missier Malta Ewropea li x-xiri tal-karozzi hu sinjal tal-gid fil-pajjiz, fil-fratemp, l-ebda mizuri ma’ ttiehdu biex nevitaw it-tsunami ta’ vetturi privati li qed jghaddsu pajjizna taht shaba emissjonijiet tossici. Il-barometru tas-sinjali taz-zminijiet ta’ papa Malewro ma hadimlux sew fuq dil-bicca ghax ma kkalkulax il-mard repiratorju u l-allergiji u nies immankati b’xi daqqa ta’ karozza.

Imma li hu tal-gvern irrid naghtihulu ghax introduca l-VRT, taqqal l-ezami tas-sewqan, gholla l-petrol u d-diesel biex in-nies jsuqu inqas, dahhal id-dixxiplina bil-gwardjani lokali li minn rebus u dizordni gabu t-traffiku iktar organizzat, introduca l-lejnijiet tal-linja u affarijiet ohra li jikkonvincu lis-sewwieqa biex jabbandunaw il-vizzju tas-sewqan. Ghal dan it-tentattiv kuragguz biex irrazzan il-mewga ta’ iktar sidien ta’ karozzi, ninzaghlu l-kappell. Imma fil-verita’ flok naqqsu s-sewwieqa privati, aktar zdiedu filwaqt li zdied ukoll it-thaxwix tal-liri fil-but tal-gvern.

Il-karozza hija wisq maghguna fil-psike taghna. Sa minn tfal nilghabu bil-paqqa u sa minn eta’ zghira nitlebilbu biex inpoggu fuq sit ta’quddiem bl-istering f’idejna u naghfsu il-pedala tal-gass. L-idea tal-mobilta’ taghna minn post ghal iehor hija dik li tabilfors irrid ikollna il-karozza privata taghna biex ninqdew u nkunu komdi.

Il-karozza toffri wkoll idea ta’ status, moda u indipendenza. Imma dan kollu ghal hafna gab ix-xikel tad-dejn ma saqajna.Ghalkemm minghalina komdi nistennew fit-traffiku iggammjat, jew cool ghax influwenzati mir-riklami, tohrog il-mistoqsija pertinenti jekk sirniex sjavi ta’ sistema fejn biex ticcaqlaq minn banda ghal ohra trid iggorr mieghek nofs tunellata hadid u lasktu, tokkupa arja sbatax-il darba iktar mill-hxuna tieghek, iddum siegha biex issibilha post fejn tipparkjaha u timpalalha l-liri biex tmantnieha u timmanutenzjonha.

Naf li qazzist ‘il xi whud nghid kontra l-karozzi imma nemusa toqros iccaqlaq bniedem u jekk xi darba naslu biex ngeddu l-istil ta’ hajjitna fejn ma inkunx dependenti minn din il-karozzella tal-holm, allura imbaghad dakinhar inkunu tassew iktar hielsa. Nibdew nitqazzu zgur, meta nifthu l-gazzetti u naraw ir-riklami tal-karozzi li jippruvaw ibighulna l-fantasija.

Strixxiklu satiriku PAQQAMANIJA p2 (ikklikkja fuqha biex tkabbarha) 

BIEX INT TGHIX AHJAR (?)

Dal-pajjiz imdewwed bin-nies li jimxu bejn gzuz ta’ binjiet u twapet ta’ toroq li dejjem ifaqqsu ma’ kull jum illi jghaddi. Donnu hadd ma jrid jiddiskuti l-alternattivi biex ma nibqghux fgati f’dan l-gheluq li qed noholqu ahna stessu u biex nizviluppaw mezz ta’ trasport xieraq u nadif. Issa meta rajt dawk it-tabelluni jirriklamaw ucuh dahkana jsuqu l-vetturi taghhom fi sfond bl-istellarju Ewropew u bis-slogan fuqhom jghid “TOROQ GODDA BIEX INT TGHIX AHJAR” bejn ridt nikteb poezija li Mugliette biex infahhru u niringrazzjah tal-gid li qed ixerred fuqna u bejn ridt ninzel minfuq tal-linja, nhaffer hofra u noqghod nghix fiha sakemm jigi Joe Babun joffrili kaxxa cikkulata Mars biex jikkonvincini li l-hajja ta’ fuq hija hafna ahjar mill-hofra li hammilt jien.

F’din il-kwistjoni s-soltu nsawwat lil politici u l-entitajiet komplici maghhom imma kif nista’ nwahhal biss fihom meta l-mentalita’ tal-poplu hija ghagna wahda ta’ konkos iebes li ma turi ebda caqliq lejn il-bidla fil-mod ta’ kif nittrasportaw ruhna f’dal-pajjiz. Is-sondaggi li l-politici jibbazaw fuqhom il-politika taghhom, spiss jindikaw li l-ewwel prijoritajiet tal-poplu huma t-toroq u t-tiswijiet taghhom. Kull darba li nisma’ lill-Prim Ministru jitkellem fuq l-ambjent u t-titjib fl-ghajxien, arah jaqaghlek isemmi t-toroq, ir-roundabouts u s-central strips u l-infrastruttura kollha marbuta mat-toroq. L-oppozizzjoni mill-banda l-ohra l-hin kollu tniggez lil gvern fuq il-herba tat-toroq, it-taxxi fuq il-karozzi u z-zjieda fil-prezz tal-petrol, il-parkeggi bi hlas, il-gwardjani lokali u l-bqija. Il-kuntentizza tal-maltin, wiehed jista’ jikkonferma li tiddependi mill-accessibbilta’ ta’ dawn il-gabubetti fuq erba’ roti.

S’issa, hawn Malta ebda moviment relevanti ghadu ma qam jisfida bis-serjeta din il-qaghda mwieghra. Anki l-ghaqdiet ambjentali juzaw kawtela kbira meta jikritikaw l-invazjoni dejjem tikber tal-karozzi privati. Dan ghax jistghu ikunu ttimbrati bhala estrimisti mill-pubbliku li hu infatwatwat bil-karozzi privati tieghu. Araw fuq il-hamiem li qed jizdied, nisimghu garr u proposti biex nesterminawhom u l-kunsill lokali tal-Furjana sahansitra ha azzjoni drastika kontra l-hamiem. Fuq l-imigranti illegali li dejjem gejjin, ingorru wkoll u nirristriguhom kemm nistghu. Imma fuq it-tniggiz mid-dhahen tal-karrozzi, naghlqu ghajn u minfes u nippuntaw subghajna lejn ix-xarabankijiet. Fuq kemm iwegghu nies bl-incidenti tat-traffiku, nehduha bhala haga normali. Fuq kemm ic-centri tar-rhula u l-bliet taghna saru inaccessibbli ghat-tfal u ghax-xjuh u perikoluzi ghal minn jehodha bil-pass, lanqas biss tghaddilna minn mohhna nipprotestaw kontriha.

Fi gzira ckejkna bhal taghna l-ispazju huwa krucjali ghal sahhitna u ghall-hajja socjali taghna. Sfortunatament dan l-ispazju qed jittiekel b’rata tassew mghaggla mill-fattur tal-popolazzjoni dejjem tikber, mill-bini dejjem tiela’ u mill-karozzi dejjem jizdiedu.. Jekk se nkomplu nintrassu bejn laham, gebel u hadid, kun af li l-unika alternattiva BIEX INT TGHIX AHJAR, mhijiex it-toroq godda ta’ Mugliette imma c-cikkulata ta’ Joe Babun.

Strixxiklu Gdid {ikklikkja biex tkabbar} 

La ssemmix l-isem Paqqa fil-batal

Fejn nahdem jien ghandna l-barka t’alla Paqqus ghax kif nixref barra t-tieqa nxomm l-incens li dejjem idahhan b’qima lejn dan l-alla kbir u potenti. Alla Paqqus huwa l-protettur tal-karozzi, tat-toroq, tal-parkeggi u l-garaxxijiet u ta’ dak kollu li ghandhu x’jaqsam ma’ dawn il-baqar sagri li jinsabu kullimkien 24 siegha, 7t ijiem fil-gimgha u dawra tond is-sena kollha f’Malta, f’Ghawdex u fid-dinja. Mil-lum se nibdilkom sensiela tpengijiet li jien nsejjah bhala strixxilu, dwar din il-barka ta’ Paqqus u l-indulgenzi kollha assocjati maghha. L-istrixxiklu originarjament kellu jkun parti minn pubblikazzjoni li qatt ma saret u ghalhekk dawn huma l-iskizzi tal-pagni, mirqumin u aggornati xi ftit biex ikunu prezentabbli ghal dan il-blogg.

Irrid nghid li dan is-suggett li ghazilt huwa daqsxejn sensittiv ghal hafna nies li huma devoti lejn dan ir-rigal ghaziz li ghogbu jaghtina alla Paqqus jigiefieri, IL-KAROZZA. X’naghmlu minghajr karozza? Mitlufin ahna! Ghalhekk dawk li jhobbu jaghmlu xi siegha adorazzjoni kuljum, inaddfu jew jippolixxjawha, dawk li jhobbuha daqs dawl ghajnejhom u jehduha maghhom kulfejn imorru, dawk li hsiebhom biss fiha u spiss imorru jinvistawha meta tkun ipparkjata x’imkien, nghidilhom jghadruni xi ftit jekk inkun daqsxejn profan fid-diskors tieghi illum. Imma jehtiegli nixghel ftit il-hazard lights ghax is-266,000 vettura li nizlu fuqna bhal manna mis-sema, qeghdin jitilfu l-iskop taghhom, qed jeqirdu l-fibra socjali u qed imarrduna ghall-qabar. Quddiemi qed nisthajjel iqumu bil-wieqfa il-qassisin il-kbar ta’ Paqqus, Hasan u Musqat, u jcarrtu hwejjihom filwaqt li jghajtu, x’gharukaza, x’dagha fahxi, x’erezija djabolika!!!!!!!!

Ishru mieghi ftit fil-jiem li gejjin.

Naghga, naghga ghandek vot? "Iva, iva, ghandi vot!"

Tidwi Bastilja.

Meta kont immur ghal xi mixjiet fit-tul ma’ xi grupp ta’ hbieb, kien ikun hemm il-percimes miexi fuq quddiem. Hafna drabi dan l-individwu kien ikun hu li haseb u fassal kif se tkun il-mixja u mnejn ghandna nghaddu. Il-kapacitajiet tal-percimes fejn tidhol it-tmexxija tal-grupp kienu tali li jipprovaw izommu l-grupp maghqud u b’tattika liema bhala kien jikkonvinci l-bicca l-kbira tal-grupp biex jaqbel mat-toroq li jaghzel hu. X’kienet l-idea ta’ dawn il-mixjiet mhux dejjem fhimtha imma x’aktarx kien ezercizzju biex tkompli tissahhah il-popolarita tal-percimes li min-naha tieghu kien ikompli jinkileb ghall-attenzjoni u ghall-poter li kien jaghtih l-istess grupp. Min-naha l-ohra kien hemm ukoll in-nghag ta’ Bendu li ghalihom l-aqwa li jghaddu saghtejn zmien fil-kumpanija u c-cajt. Mhux darba jew tnejn ahna n-nghag mehdijin inlabalbu konna nibqghu lura fil-mixi b’dannu ghal percimes u z-zwiemel tieghu fuq quddiem li t-tir ta’ mohhom kien li jaslu fil-hin u jkopru t-toroq li riedu huma. Hafna drabi l-permicmes u l-kavallerija tieghu kellhom is-sahha psikologika li jsuquna ghal quddiem u jgeghluna nzommu l-pass ma’ taghhom.

Din tigri f’kull qasam fejn issib imhuh dilgenti u avventuruzi li jehtiegu l-appogg ta’ massa nies biex isehhilhom l-idea taghhom. Hafna ideat huma ibbazati fuq strategiji u mobilizzazzjoni ta’ persuni. L-istorja tad-dinja invazata bihom. Xi ideat sahhew socjetajiet u popli shah imma ohrajn ghamlu herba shiha.

Mir-rivoluzzjoni Franciza ‘l hawn il-bniedem intebah li l-mexxejja tieghu mhumiex ispirati minn Alla. Imma fis-sistema tat-tmexxija tal-lum li nsejhula demokrazija (?!), issib bosta percimesijiet mghonijin b’panorama ta’ ideat, kuncetti u teoriji li hsiebom biex jirrivoluzzjonaw l-hajja tal-bniedem kull minuta, jeliminaw fruntieri u jergghu joholquhom, ibidlu l-ilma f’inbid u jikkonvincu lil kulhadd biex jixrob minnu. Illum is-sistema politika hija iktar konplessa minn zmien ir-Re Louis XVI imma il-klassi politika, il-burokrati, it-teknokrati u l-inginiera socjali lkoll jaghtu daqqa t’id biex issehh xi ideat brillanti li l-poplu z-zghir li jimxi b’pass moderat, ikun kostrett biex ihaffef inkella jbati l-konsegwenzi.

Il-LE kbira tal-poplu Francis fir-referendum tal-Hadd li ghadda tista’ tkun interpretata f’hafna modi u xi hadd kompetenti jista’ jaghmel analizi fuq dan. Imma jien nara li l-poplu Franciz, awtur tal-hsieb hieles fir-rivolta’ ta’ 1789 f’Bastilja, illum ukoll kellu l-hila jghid lil dawk li qed igerru fuq quddiem biex jieqfu u jmmorru lura fuq l-imwejjed biex ifasslu mill-gdid l-Ewropa.

Min jaf kieku x’nghidu ahna l-Maltin jekk ninghataw ic-cans biex nivvutaw f’referendum ghall-kostituzzjoni l-gdida ta’ UE? Probabbilment inhallu lil percimessijiet juruna d-direzzjoni u ahna n-nghag nghidu beq beq beeeeeeeq!

VIVE LA REVOLUTION

Il-bloggisti qed jingemghu, u ghal din l-okkazjoni ktibt dan l-innu li jitkanta fuq Another brick in the wall tal-Pink Floyd

M’ghandniex bzonn nuzaw gazzetti
M’ghandniex bzonn TV u radjijiet
Minghajr studios w ufficini
Xorta nxandru l-bloggijiet

Oj medja, xorta nxandru taghna l-bloggijiet

Kif qtajniekom bir-rivoluzzjoni tal-blogg
Bellahniekom bir-rivoluzzjoni tal-blogg

X’nambu l-medja prepotenti
Bla riklami inkampaw
B’ebda bord editorjali
Bla censura nibbloggjaw

Oj medja, bla censura arawna nibbloggjaw

Kif hsadniekom bir-rivoluzzjoni tal-blogg
Kessahniekom bir-rivoluzzjoni tal-blogg



Dan li qed nikteb hu spirat mill-kummenti ta’ Immauel Mifsud fi bloggata antika u ohra ricenti tieghu. Ovvjament ghandu ragun meta joqghod lura milli jsejjah dan il-fenomnu tal-ibbloggar bhala rivoluzzjoni. Il-bloggisti jew il-bloggajja kif sejhilhom hu, huma varji u r-ragunijiet taghhom ghala qed jibbloggjaw ivarjaw minn narcisizmu sa zbokk psikologiku u emottiv mis-solitudni li saret toffri il-hajja moderna. Mill-blogg taghraf x’inhu l-bloggaj minkejja li bosta minnhom ikunu anonimi. L-anonimita fil-bloggijiet hija fattur ukoll indikattiv li l-bloggajja ihossuhom mheddin minn xi elementi fis-socjeta’. Bhal maskerati fil-karnival johorgu jizzuffjettaw mis-sistema ghaliex fil-hajja ta’ kuljum taghhom dan ma jistghux jaghmluh. Bloggisti ohrajn ihossu li ghandhom xi jghidu u jibbloggjaw hsibijiethom b’mod ftit iktar impenjattiv.

Il-blogg mhuwiex invaziv bhat-TV u r-radju u lanqas m’ghandu l-permanenza tal-gazzetti. Zball ikun accettat iktar u l-informalita’ hija l-karatteristika ewlenija f’hafna mill-bloggijiet. Is-sabih tal-blogg hu li mhuwiex stituzzjoni u m’ghandux regoli stabbiliti hlief mill-awtur innifsu. La hu sit webiku, la hu ktieb u lanqas hu notizzjarju imma fl-istess hin kapaci jkun kollha f’daqqa.

Il-boggosfera Maltija ghadha ckejkna wisq biex wiehed jiddetermina x’impatt ghandha fuq il-hajja socjali u l-hajja politika lokali. Il-blogg ezattament ma jiffurmax crieka ta’ nies bhalma ssib fil-hwienet fejn jiltaqghu l-hbieb ghaliex x’aktarx kull bloggista ghandu l-agenda tieghu. Imma l-fatt li tista’ timposta l-kummentarju tieghek biex jaqrah minn irid filwaqt li tittawwal u tnemmes fil-bloggijiet ta’ ohrajn sempliciment ghal kurzita’ jew inkella ghax jinteressawk il-kummenti ta’ haddiehor, taghmel lill-bloggosfera post ecitanti tassew. Dak kollu li jinghad u li jidher fuq il-bloggosfera jinfluwenzana bl-istess mod ta’ kif jinfluwenzana kliem xi hadd li niltaqghu mieghu fit-triq jew f’xi konversazzjoni fuq it-telefon. L-effett tal-ibbloggar x’aktarx ikun difficli biex nikwantifikawh ghax mhuwiex differenti mill-interazzjoni normali fil-hajja ta’ kuljum. Ma nahsibx li se nwarrbu il-hanut tal-kantuniera biex noqghodu npacpcu biss fil-pagni elettronici tal-bloggosfera.

Jien nispera li l-bloggosfera Maltija tkompli tithawwar b’iktar elementi differenti biex taghti xiehda tad-diversita’ lokali minghajr ma ssir xi mostru tal-parrokkjalizmu u l-fanatizmu indigenu Malti. Ghalkemm jien nahseb li erbat ijiem ohra l-politiku jkollu tabilfors jibda jitnemmes fil-bloggijiet biex ikejjel u jqejjes xi kampjun mill-opinjoni pubblika. Tal-gazzetti diga bdew ixammu ‘l hawn u ‘l hemm ghal xi storja u f’kemm ilni nghidilkom daqt nispiccaw fuq iz-Zuppardu Xow.

Jekk jogghobkom, il-paparazzi johorgu barra u jaghlqu l-bieb warajhom.

Tahziziet mir-Rivuluzzjoni Blogg 

Ghada hadd ma jafu.

Mill-Asja gew lura zewgt ihbieb tieghi li maghhom naqsam l-interess tieghi fl-arti grafika u hwejjeg ohra fosthom l-apprezzament ekologiku. Il-Hamis li ghadda flimkien morna nsellmu lil habib iehor taghna, Julian, li min-naha l-ohra telaq lejn vjagg inkomprensibbli u inspjegabbli. Il-Guz saqsieni jekk Julian lahaqx temm il-missjoni tieghu u jien irreciprokajt il-mistoqsija tieghu b’ohra: Ghaliex nahsbu li ahna nigu fid-dinja biex inwettqu xi missjoni? Quddiem din il-fazi tal-hajja fejn il-mewt tixhed li hemm bidu u tmiem, ahna nirrifflettu t-tifsira tal-ezistenza taghna.

Is-Sibt u l-Hadd li ghaddew kelli mumenti siekta u riflessivi. X’jista’ jifhem mohh ckejken minn dan l-univers bla tarf. Jien miniex xi Santu Wistin imahhah fuq it-tifsira tat-Trinita. Inhares madwari u nara dan l-univers mifrux quddiemi hija ghaxqa bizzejjed ghalija. Jekk il-partecipazzjoni tieghi fih hix volontarja jew le, effettiva jew le, neccessarja jew le, ma nafx. Naf biss li din il-partecipazzjoni (li hija l-hajja kif nifhmuha ahna), hija taqbida kontinwa bejn il-hajra ghall-hena interna u l-esigenzi fizici esterni. Dan il-binarju, f’sintezi ta’ kuncetti u riflessi li nadottaw matul hajjitna, jgeghilna nirrelattaw ma’ xulxin u mad-dinja madwarna. Fi kliem inqas stordut... il-hajja tkompli. Imma l-memorja ta’ dawk li gew qabilna u taw skop lil din l-esperjenza umana, tibqa’ maghna, hafna drabi biex isservi ta’ kejl ghas-successi taghna. Minn dan id-djarju eletroniku semplici u umli, nsellem lil dawk kollha li jghozzu t-tifkira ta’ Julian Manduca u nawgura li din tkompli tkun referenza utli matul hajjithom.

Is-Sibt filghaxija attendejt ghal attivita’ fejn kienu ospitati xi sitt mitt ruh fit-terrazzi enormi tal-forti Sant Anglu. Barra mic-cena lussuza, l-attivita’ kienet tinkludi raprezentazzjoni ta’ loghob kavalleresk bhall-gostra, kompetizzjoni tal-arcieri u ta’ gellieda bix-xwabel. Ma nafx jekk tezistix skola hawn Malta ghal dawn l-animaturi li jaghmlu riavvenimenti storici. Mid-dehra is-suq ma’ jiflahx ghal dan it-tip ta’ tahrig ghax ghalkemm dawk ospitati applawdew il-wirja, l-ispettakklu kollu deher wiehed delettantesk. Il-prezentaturi tal-ispettaklu kienu tajbin u jidhru li ilhom jaghmlu dan ix-xoghol ghal bosta snin imma quddiem udjenza multi lingwali, il-prezenturi zammew biss mal-lingwa Ingliza u b’hekk qalbu l-kult tal-kavallieri ta’ San Gwann fi dramm ta’ Shakespear. Il-gran Mastru La Valette, Franciz sa gharqubu, dawwar ilsienu aqwa minn King Lear. Bi ftit lezzjonijiet l-amimaturu u prezentaturi mqar ilissnu xi erba’ sentenzi bil-lingwi li kienu juzaw il-kavallieri ghal beneficcju tal-korrettezza storika.

Id-darba ta’ qabel kont qieghed f’attivita’ ohra simili u kien hemm tlieta libsin ta’ trubaduri u l-ghaxqa ta’ muzika li daqqew u l-kant helu li hareg minn fommhom, skuncentrani mhux ftit minn dak li suppost kont qed naghmel, jigifieri naghmilha tat-taparsi karikaturista. Ghax wara kollox jien ukoll delettant. Imma dawn it-trubaduri kienu imharggin sewwa u l-performace taghhom tant kienet eccellenti li biha thossok tmur lura fl-epoka taghhom.

Il-Hadd erhejtilha lejn il-majjistral ta’ Malta flimkien ma’ marti u ibni. Filwaqt li kont qed naqra fil-gazzzetta li l-mepa qed tistudja l-possibilta’ ta’ riklamazzjoni tal-art, (jigifieri issib roqgha bahar u tibdilha f’roqgha art), innutajt kif Malta saret binja wahda. Flimkien, ibni marti u jien, gawdejna il-ftit li baqa’ mill-pajsagg naturali ghax illum qieghed hawn u ghada hadd ma jafu. Il-hoss tar-rih u l-bahar qalb it-tvenvin tal-karozzi, ingenji tal-bahar u d-damdim tal-isterjojiet, kien donnu kanzunetta antika fuq zigarella qadima li l-volum taghha qed jintefa bil-mod il-mod.

Umilissima Harruba

B'dedika lill-memorja ta' Julian Manduca u x-xoghol siewi tieghu fil-glieda favur l-ambjent.

Kemm ghaddejt minn hawn
u mxejt fuq it-tapit perenni
fil-palazz tieghek imlibbes in-natura
biex nersaq lejk bil-mod il-mod...
Harruba Xiha

B’xuxtek mifruxa sa tghatti
il-koppla smewwija li tinkurunak
int tibqa’ umli
u int li frixt gheruqek sa minn zmien il-kavallieri
biex tindokra generazzjonijiet shah ta’ hlejjaq
tigi tistmani daqsek
ghax f’palazzek bibien m’ghandekx
u libru nidhol jien minn kull naha
biex inkellmek meta rrid
u int tismaghni dejjem

Imma aktar jien imxennaq ghal gherfek
noqghod tahtek herqan
biex nisma’ l-istejjer tieghek taz-zmien imghoddi
mitluf nissemma’ ghall-ghanjiet tieghek
li jirrakkuntaw is-sliem u l-glied
u l-biza’ mill-furbani
u nisimghek tkanta l-ballati
ta’ meta t-tajr azzarjat
rieghed l-art u s-sema
u gab mieghu ix-xita tal-hadid jahraq
u mal-majjistral ukoll iddoqq il-kantileni
ta’ meta gew l-ingenji wikkiela
u thanzru u ffangaw fil-palazz
abbundanti tieghek
biex hallew madwarek
roqgha wahda biss

U minkejja li taf li ghad tigi l-gaffa
u tmiddek
int tibqa’ tippriedka l-gmiel

Eddis Pressy is-sena l-ohra ipprova jidhol fil-festival ghall-kanzunetta ghall-Ewropa imma Mary hallietu jittewweb ghax ma tridx tohroglu 'l barra mill-pajjiz. Wara s-success tieghu ta' Blue Suede jackets fl-1981, (Let me be your) Teddy Bear fl-1987, Return to Sender (Opposision) fl-1996, Sant's the Devil in Disguise fl-1998 u It's EU Now or Never fl-2003, huwa qal li jrid jkompli jservi bhala idolu sakemm alla jghinu. Minkejja li hu dahhalna fl-Ewropa x'aktarx li l-Ewropa ma kinetx se thallih jidhol fil-Eurovision b'kanzunetta antikwata u skaduta. Din is-sena hareg il-Heartbreak Palais imma l-imitatur tieghu Lorry GO ON ZEE hariglu l-Malta Brussels House Rock u tela' fl-ewwel post tal-klassifika.

Strixxiklu satiriku: IT-TMIEN KAPURJUNI STRAORDINARJI. L-ahhar pagna tas-sensiela. Nittama li nkun nista' naghtikom aktar minn dawn it-tpengijiet fil-gimghat li gejjin. Pagna 12 {ikklikkja fuqha biex tkabbarha.} 

Strixxiklu satiriku: IT-TMIEN KAPURJUNI STRAORDINARJI pagna 11 (ikklikkja fuqha biex tkabbarha) 

Hop Hop Montebello

Aghlaq halqek Montibellu
Titkellimx fuq Santi Sedi
Taqlax hama mill-istorja
Tkissirx dommi, xxaqqaqx kredi

Itboq fommok Montibellu
Titniffisx fejn hemm is-skiet
Issemmix qohob l-gharusa
Jew ta’ Kristu il-papiet

Baxxi rasek Montibellu
Tilghabiex ta’ difensur
afda s-superjuri tieghek
lilhom jixraq dan l-unur

Igdmu lsienek Montibellu
ghix il-hajja pastorali
nghaga sewda tkerrah merhla
itebba’ s-safa ekklezjali

Aghlaq halqek Montibellu
Blatet Pietru infallibbli
Jekk tipprova mqar tharrikha
li jsir minnek...prevedibbli

Iskot mela Montibellu
tmaqdarx din, tmerix lil dan
toqghodx tirrita lil Kurja
iddejjaqx lil Vatikan

Cicci kwiet, oqghod fic-cella
ghax ghal kliemek bdew iqellu
hlief biex tghid il-pater noster
tiftahx halqek Montibellu

Strixxiklu satiriku: IT-TMIEN KAPURJUN STRAORDINARJI. pagna 10. (ikklikkja fuqha biex tkabbarha. 

Karikatura ta' ZAZA 

Olifernezija

Jien ma nsegwix il-loghob tal-ballun. Minn dak li nisma u nara madwari, ndunajt li dan l-ahhar kien hemm xi loghob ta’ xi kampjonat tal-football. La naf min laghab lanqas min rebah. Jekk jien nistordi fis-suggetti kollha, fil-football nigi l-ewwel bhala stordut. Meta kelli xi tmien snin kont ingemma’ il calciatori, nixtri xi pakketti fil-gimgha u li nsib fih, inpartathom jew inwahhalhom fuq l-album. Fit-triq meta kien hawn inqas karozzi, konna sikwit naghtu dik id-daqqa ballun u meta sibna xi ghalqa li kienet ghadha ma nbnietx konna nhossuna qeghdin f’xi stadju kbir tal-football. Il-football kiber maghna bhala t-tieni religjoni. Konna nilghabuh fil-btiehi tal-muzew, fl-iskola u kull fejn konna nsibu wesgha vojta. Minghajr daqtejn sieq ma konniex nghaddu. B’xorti tajba kbirt u bridt minn din il-fissazzjoni u intfajt niffissa fuq hwejjeg ohra.

Iktar ma beda jghaddi z-zmien iktar bdejn nirrealizza kemm hu mifrux u profondit fir-ruh tal-Maltin dan l-isport. L-unici nies li kienu immuni ghalih u li kont nammirhom ghas-sens komun u ghall-intelligenza taghhom, kienu in-nisa. Il-bqija kulhadd jitbellah u jiffidilja wara bicca gilda. Illum qed nara dik li suppost kellha tkun l-emancipazzjoni tal-mara saret iktar l-emulazzjoni tar-ragel. Kelli tamiet kbar lin-nisa mhux biss ma jiffissawx fuq il-ballun talli bl-assersjoni taghhom u bis-sens ta’ bilanc taghhom sahanditra jissensibilizzaw lir-rgiel, forsi lejn sport inqas dominat mill-maskulinta’ sfrenata u mill-kompetizzjoni skarnata.

Gharrali bl-ikrah ghax illum ma’ kull gow, Guditta tohrog twerzaq fil-gallarija ixxejjer il-maktur tal-Union Jack minflok izomm f’idha ras Olifern.

Qabel ma nkun ikkundannat bhala midghi, ghadu u terrorista tal-football, ahjar nigi ghal punt.

Din il-loghba, kif zviluppawha l-inglizi kienet wahda gusta u nadifa, illum kif giet trasformata mid-dinja, inbidlet f’pesta socjali. Il-fatt li hi daqshekk loghba popolari taghti lok ghall-korruzzjoni. L-ideal sportiv spicca u dahlet l-idea estrema tar-rebh qabel is-sens sportiv. Ghiduli pessimista imma jien perswaz li defsu denbhom il-hniezer li jaraw kollox liri u ghamlu kapital mil-fanatizmu ta’ nies li mohhom u l-gilda tal-ballun xorta. Hawn Malta specjalment il-fanatizmu jbejjet f’kull qurriegha nieqsa mill-moderazzjoni u b’hekk ghandha sitwazzjoni fejn kull wesgha vojta li ghandna, irridu naghmluha grawn. Kull roqgha watja irridu naghmluha rawwemija ghal dan l-isport.. U d-dixxiplini l-ohra jitqabdu biex ikomplu jezistu .

It-termnologija tal-football dahlet fl-oqsma tan-negozju , l-amministrazzjoni u l-politika. Termni bhal team work, tackle, goal, il-karta l-hamra, foul, u elf allegorija bbazata fuq il-loghba tal-football. Tghiduli ma fiha xejn hazin din...imma biex taraw ‘il fejn hu ngranat il-mohh.

Insemmi l-Belt Valletta bhala ezempju wiehed ta' fissazzjoni, fejn il-football hu fundamentali ghall-hajja tal-beltin u filwaqt li jistinkaw biex irawmu t-tfal ghall-ballun qed jitraskuraw sport sabih marbut ma’ din il-belt li hu l-qdif u r-regatta.

Osservazzjonijiet umli tieghi dawn imma jien nemmen li ftit inqas football jaghti spazju ghal iktar varjeta.

Strixxiklu satiriku: IT-TMIEN KAPURJUNI STRAORDINARJI pagna 9 (ikklikkja fuqha biex tkabbarha) 

Pagna 8 tal-istrixxiklu satiriku (Ikklikkja fuqha biex tkabbarha)
IT-TMIEN KAPURJUNI STRAORDINARJI. L-istorja s'issa:
Il-Venerabbli Gonzo u Joe Babun qed iduru l-globu b'missjoni biex jigbru tmien kapurjuni li bil-hiliet straordinarji taghhom jikkonkwistaw l-Ewropa u jinkurunaw lill-omnipatenti EFA bhala Imperatur Ewropew. Fuq il-karrozzun propagandistiku, Gonzo u Babun s'issa irriklutaw maghhom tliet kapurjuni veterani u tlieta ohrat principjanti mill-erbat irjieh tad-dinja Minn fuq il-karrozzun bdew jaghmlu wirjiet spettakulari biex jippruvaw iqajmu lill-poplu ghal din il-krucjata nobbli biex jiehdu f'idejhom l-art imqaddsa tal-Ewropa.

Strixxiklu Satiriku IT-TMIEN KAPURJUNI STRAORDINARJI pagna 7 {ikklikkja fuqha biex tkabbarha}. 

Il-Maghmudija

Jidher li rcevejt il-maghmudija ta’ bloggista fil-bloggosfera maltija minghand il-habib tieghi Robert Micallef wara li llistjani fl-ghazliet tieghu t’April. Nirringrazzjah u wkoll lil min irrisponda ghal dan bhal Mark Vella kif ukoll lil Antoine Cassar u Kenneth li kkummentaw fuq it-tpengijiet tieghi. L-idea li nibbloggja giet b’cikka wara li kont qed nipprova nfittex sit li jallokali l-ispazju minghajr hlas biex nitfa’ xi erba’ tpengijiet milli nharbex jien. Dan ridt naghmlu purament bhala terapija ghall-istordamenti kronici tieghi. Jien u nfittex, il-Google tellaghli xi intervista ma’ Immanuel Mifsud u huf minn hawn u huf minn hemm sibt ruhi nipprova blogg. Ghal-ewwel hassejtni qisni wiehed minn dawk il-profeti foloz iparlaw fil-vojt, bhal fil-film Life of Brian tal-Monty Python, imma ghedt bejni u bejn ruhi, issa la ghandi l-kaxxa tas-sapun ha nitla fuqha u naghmel id-diskors tal-muntanja. {Naturalment muntanja cucati.}

Din l-idea tal-bloggosfera taghtini impressjoni ta’ kerrejja, fejn kulhadd ghandu l-ispazju tieghu imma fl-istess hin kulhadd jaf x’inhu jghid l-iehor . Sa anki tista’ tixhetlu botta ‘l dak li jkun jew tmur tghid fuqu ma’ ta’ magenbu. Kulhadd jonxor il-hwejjeg fuq xulxin u jithallew iqattru {il-link} fuq ta’ l-ohrajn. Selvagga ftit imma umana ghall-ahhar. Jien din it-teorija li ghandi, li l-bniedem xadina jibqa’ u kieku Darwin ghadu haj zgur li kien jirrevedi t-teorija tal-origini.

Ghal xi hadd bhali li kwazi nghix maqful f’torri bla bibien , fi bloggosfera nsib zbokk.

Onorat li issa sirt parti minn din il-komunita’ fil-kerrejja webika maltija.

Jissokta l-istrixxiklu satiriku It-Tmien Kapurjuni Straordinarji. Pagna 6 (ikklikkja fuqha biex tkabbarha) 

L-istrixxiklu satirku jissokta bil-grajja tal-Venerabbli Gonzo u Joe Babun li biex jahtfu l-Ewropa f'idejhom u jinkurunaw lill-Omnipatenti EFA imperatur, hargu fuq missjoni biex jghaqqdu truppa ta' tmien kapurjuni straordinajri. S'issa rriklutaw maghhom lill-Maniken Pis Malti, lil Joana Drakula u lil Michael Falzastikka li fil-Blue light district, fl-istabbiliment tal-Wanowann kien spiss jesibixxu ruhu ghalkemm xoghlu propja kien li jnaddaf il-lokijiet ta' dawk ta' fuqu. Filwaqt li dawn kollha bhalissa jinsabu rikbin il-karrozzun tal-propananda, imghobbi kollu fuq cittadini komuni, il-Venerabbli Gonzo u Joe Babun ikomplu bil-vjaggi taghhom.
Pagna 5 (Biex tkabbarha ikklikkja fuqha.)

L-istrixxiklu satiriku : IT-TMIEN KAPURJUNI STRAORDINARJI p4

It-tielet pagna tat-TeKeSe (biex tkabbar il-pagna ikklikkja fuqha)

Strixxiklu Satiriku: IT-TMIEN KAPURJUNI STRAORDINARJI

Nissokta bl-istrixxiklu satiriku li nhadem qabel l-elezzjonijiet ghall-parlamentari Ewropej 2004.

L-istorja s'issa: Il-Venerabbli Gonzo u Joe Babun riedu jahtfu taht idejhom l-Ewropa u jinkurunaw lil EFA imperatur. Ghalhekk qeghdin iduru d-dinja biex jghaqqdu truppa formidabbli biex twettaq din l-missjoni specjali.

B'dedika specjali lil dawk il-polipontifikaturi li jkompli jfakkruna kemm nistghu inkunu fertili ahna li nhallsu t-taxxi, ahna l-votanti jew ahna c-cittandini jew ahna l-konsumaturi. Konvenjentament illum, ahna l-haddiema. Ghalhekk ghandna dejjem nemmnu u napprezzaw il-hidma sfiqa u bla heda tal-ghaziz prim taghna li bil-vizjoni kbira tieghu Jrid idawwar ix-xabla f'mohriet. B'hekk biss nistghu minn semplici haddiema nsiru GHODDA KOMPETITTIVA.

art ghammiela

(Ikomplu l-psewdo poeziji tieghi mxappin sewwa fis-sentimentalizmu banali ta' dan il-jum.)

Mill-art ghammiela
li darba kabbart fiha l-frott
li l-meraq tieghu tlaqqat kollu
fuq il-mejda tal-ikel
ta’ familtek modesta
illum fuq l-istess art
kabbart palazz tal-konkos
imlibbes bil-lussu
u flok iz-znazan u l-hanfus
ihammlu u jdakkru
ghandek armata servi u fattigi
ihufu fil-kurituri dojoq
tal-lukanda b’erba’ stilel
sabiex jaqdu l-klijentela tieghek
li gentilment timlielek bwietek wisghin

U f’dan il-palazz tal-illuzjoni
int timla’ ghexieren ta’ mwejjed bl-ikel tal-abbundanza
li taf taghtik l-art
fejn darba hadmet hawtiela l-imghazqa modesta
fi zmien aktar modest